أهلا .. تذكروني ؟
المفترض إنها سلسة تدوينات شهرية .. لكن صارت نصف سنوية .. نزلت الأولى بشه يناير والآن شهر ٨ لكن بغش وأقدمها شهر وأقول يا رب
أولا: خريطة العالم للأطفال ..
حبيييتها جدًا جدًا علقتها في غرفة الألعاب عند بناتي تعطيهم فرصة للتعلم أهم المعالم والحيوانات في كل دولة وتساعدهم على الاكتشاف
وقع اختياري على هذي الخريطة من أمازون
ميزتها ممكن تنشال وتنحط بمكان ثاني .. مع ملاحظة إنها تحتاج خلفية فاتحة عشان كون واضحة ..
ثانيًا : مشط wet
أتوقع معروف عن الأغلبية .. شريته من زمان وضاع .. حبيته أكثر من مشط .. سلس جدًا بالتمشيط ويساعد بفك التشابك .. معاناة كل أم عندها بنات ترتيب الشعر ، موجود بكل مكان (الصيدليات وسنتر بوينت) أنا طلبته من آيهيرب لأن عليه توفير الشحن شريت ٣ لبناتي وطلع لي الشحن مجانا هههه
ثالثا : عبدالله العجيري
اكتشفت هذا الشخص بالصدفة ، مقاطعه ممتعة وغنيّة ..
أترككم مع هذا المقطع استمتعت فيه وأنا أعد وجبة الغداء :
رابعًا : كتاب Happiness is
من زمان عيني عليه أبيه لطاولة القهوة شي خفيف وما يحتاج جهد ذهني كبير .. حبيت الرسومات اللي فيه والعبارات تخليك تبتسم ..
استغليت خصم جرير قبل فترة ٢٥ ٪ على الكتب واشتريته من متجرهم الالكتروني ..
ميمونة
تدوينة مباهجها جميلة جدا ، حبيت خريطة العالم
هذه المحاضرة لعبدالله العجيري رائعة جدا جدا رغم اني لم اكملها بعد وأسلوبه مميز
دامت أيامك كلها بهجة ونور 😍
دهشة
أهلا سارة … شكرا لك ع التدوينة … سؤالي بالنسبة للخريطة كيف يتم تثبيتها … لو الجدار عندي خشن تنفع او لا
سارة رائد الحمدان
أهلا وسهلا .. الخريطة عبارة عن لصق (استكير) مقسمة لعدة أقسام وحاطين لك ترتيبها كيف يكون .. أتوقع تمسك على الجدار الخشن لكن اذا فيه أجزاء بارزة ممكن يسبب في دخول الغبار ويخرب اللصق مع الوقت ..
دهشة
شكرا لك 🙂