بما أني موظفة أحتاج إلى كاميرا لمتابعة أطفالي وأنا في العمل حتى مع وجود العاملة أحتاج زيادة تأكد واطمئنان عليهم وللتأكد أنهم تحت السيطرة..
بعد استشارة عدة صديقات رشحوا لي كاميرا Arlo pro 2
تشتغل على الواي فاي ..
شريتها من أمازون ب 340 دولار ، الشحن عن طريق البريد السعودي كلفني حول 200 ريال ، المجموع تقريبا 1500 ريال ..
رابطها :
..
تجي 3 كاميرات مع بعض ، معها جهاز مثل المودم ينشبك على جهاز الانترنت ..
المراقبة عن طريق تطبيق خاص فيها ،
أشوفها خيار ممتاز جدا ، لعدة أسباب:
- تصويرها عالي الدقة
- والتصوير الليلي فيها واضح الصوت فيها واضح
-وأقدر أكلمهم عن طريق مايكرفون في كل كاميرا .. - ما تحتاج مد أسلاك وحوسة بس يحتاج تثبيت للقاعدة ويمد أي شخص يسويها
- سهلة وغير معقدة
- شحن الكاميرا يطول كل أسبوع تقريبا أشحنها ..
وتحفظ كل فيديو فيه حركة في التطبيق لو صار شي تقدرون ترجعون له ..
اشوفها مهمة جدا للأمهات اللي يداومون ، زيادة اطمئنان ومتابعة من بعيد عشان ما يكون بالي دايم معهم ..
أخذتها بناء على توصية صديقاتي والحمدلله خيار موفق جدا ❤️
إذا وصلت للبيت أسكر المودم حقها عشان الخصوصية ..
مكتوب انها تصلح كاميرا خارجية بس ما اضمن لكم مع شمسنا 🤭
متوفرة بالمواقع المحلية لكن سعرها أضعاف تكلفتها من أمازون مع الشحن ..
صدر منها إصدار جديد رقم 3 بس قارنت وحسيت الفرق ما يسوى فرق السعر ❤️
أتمنى أكون أفدتكم ❤️
